Qyrǵyzstannyń ýaqytsha úkimeti Q.Bakıevti ekstradatsııalaýdy talap etti
ASTANA. Mamyrdyń 4-i. QazAqparat - Qyrǵyzstannyń ýaqytsha úkimeti arnaıy dekretpen Bas Prokýratýraǵa prezıdenttikten qulaǵan Qurmanbek Bakıevty eline ekstradatsııalap, ony qylmystyq jazaǵa tartýdy tapsyrdy. Bul týraly RBK málimdedi.
Osy dekretpen Q.Bakıev «beıbit adamdardy atý týraly sheshim qabyldaǵany úshin» eks-prezıdent jáne derbes quqyqtylyǵy mártebesinen aıyrylǵan bolatyn.
Qazirgi tańda Q.Bakıev Mınskide, Belarýs basshysy A.Lýkashenko oǵan saıası baspana berýdi ýáde etken.
Esterińizge sala keteıik, sondaı-aq, Qyrǵyzstannyń ýaqytsha úkimeti sáýirdiń 7-si kúni kóptegen adam óltirilgen buqaralyq tártipsizdikterge kinálilerdi tapqan adamǵa aqshalaı syıaqy taǵaıyndaǵanyn da esterińizge sala keteıik. Oǵan burynǵy prezıdent Q.Bakıev, onyń inisi Janyshbek (Janysh) jáne onyń uldary Maksım, Marat Bakıevter kináli dep tabylyp otyr.
Sáýirdiń 7-i kúni oppazıtsııa lıderleri men bılik arasyndaǵy qaqtyǵystan keıin Qyrǵyzstandaǵy oppazıtsııa jaqtastary QR-nyń Úkimet úıin basyp alyp, bılik ýaqytsha úkimetke ótti. Prezıdent Qurmanbek Bakıev eldi tastap, ókilettiligin doǵarý týraly ótinish jazǵan. Qyrǵyzstandyq aq úıdiń tolqýynan birneshe ondaǵan adam qaza taýyp, 1,5 myńy jaraqattanǵan.
