Qyrǵyzstannyń ýaqytsha úkimeti 32 dinı ekstremıstke nege raqymshylyq jarııalady - respýblıkalyq basylymdarǵa sholý

***

«Iordanııa Hashımıttik Koroldiginiń Amman qalalyq mýnıtsıpaldyq keńesi Amman qalasynyń bir kóshesine Qazaqstan Respýblıkasynyń Prezıdenti Nursultan Nazarbaevtyń esimin berý týraly sheshim shyǵarǵan bolatyn. Keshe Amman qalasynda Qazaqstan Respýblıkasynyń Prezıdenti Nursultan Nazarbaevtyń qurmetine berilgen dańǵyldyń resmı ashylý saltanaty boldy», dep jazady «Egemen Qazaqstan» basylymy. Iordan Hashımıt Koroldiginiń Elbasyna nelikten yqylasty bolyp, osynshama deńgeıde

qurmet kórsetip otyrǵanyn bilgińiz kelse, «Egemen Qazaqstan» basylymyndaǵy «Qazaqstan halqyna jasalǵan qurmet» atty maqalany qarańyz.

Sondaı-aq osy basylymda ekonomıka ǵylymdarynyń doktory, professor Sara Alpysbaevanyń «Daǵdarystan keıingi álem» atty saraptamalyq materıaly jaryq kóripti. Onda avtor Búkil dúnıejúzi elderiniń úkimetteri daǵdarys kezinde ekonomıkalyq ósý kórsetkishin turaqtandyrý maqsatymen shyǵyndaryn kóbeıtýge májbúr bolǵandyǵyn jazady. «Keıbir damyǵan elderdegi buryn oryn alyp kórmegen jaǵdaı, atap aıtqanda memlekettik qaryzdyń ósýi jahandyq ekonomıkanyń qalpyna kelý múmkindigine kedergi keltiretin úlken qaterge aınalyp otyr. Ol jekelegen eldiń qaryz mindetkerligi boıynsha ınflıatsııa men defoltty jedeldetýi ábden múmkin», deıdi ǵalym.

***

«Bekire balyǵynyń óndirisine memlekettik monopolııa ornaıtyn boldy. Sońǵy jyldary ýyldyryq kontrabandasy tómendeýdiń ornyna qaıta artýǵa bet aldy. Buǵan quqyq qorǵaý organdarynyń birqatar qyzmetkerleriniń de qatysy bar. Barlyq faktiler meniń qolymda. Men olardy prokýratýraǵa tapsyramyn jáne el Prezıdentine baıandaımyn. Tergeý muqııat júrgizilýi úshin. Barlyq kontrabandashylar tutqyndalýlary tıis. Quqyq qorǵaý organdarynda solarǵa «krysha» bolyp otyrǵan tulǵalar jazalanýlary tıis», deı kele Úkimet basshysy ózi osy baǵytta qylmystyq is qozǵaý týraly ótinish jasaıtynyn málim etti», dep jazady «Aıqyn» basylymy búgingi sanynda. Úkimet basshysynyń Parlament palatalarynyń birlesken otyrysynda depýtattar kótergen máseleler jónindegi osy tektes eldegi ózekti degen jaıttar jaıly pikirlerdi bilgińiz kelse, «Esep komıtetiniń deregi esep úshin qajet pe?» degen maqalany oqyńyz.

Sondaı-aq osy basylym «Karımov «jaýdy» syrttan izdedi» atty taqyrypta maqala jarııalap, Ózbekstan Prezıdenti Qyrǵyzstannyń ońtústiginde burq ete qalǵan janjalǵa qatysty arada bir jarym apta ótkende ǵana ashyq málimdeme jasaǵandyǵyn jazady. «Buǵan deıin resmı Tashkent áliptiń artyn baǵyp, únsizdik saqtap kelgen edi. Tipti keıbir aýzy dýaly sarapshylar «Karımov áskerin shekaraǵa toptap, ózbek bitkendi qorǵap qalam degen nıetpen Osh pen Jalalabadty basyp alǵaly jatyr. «Qyrǵyz eli jerinen aıyrylady. Bishkektiń kúni bitýge tap qaldy», degen sekildi boljam da jasap úlgergen. Biraq Tashkent ondaı óreskel qadamǵa barmady», dep jazady basylym. Oqıǵanyń ári qaraı qalaı óris alǵanyn bilgińiz kelse, «Aıqynnyń» búgingi sanyn oqyńyz.

***

«Bákıev bıligin qulatyp, el tizginen qolyna alǵan Qyrǵyzstan Ýaqytsha úkimetiniń eń alǵashqy qadamdarynyń biri temir torda jatqan 32 dinı ekstremıstke raqymshylyq jarııalaýy boldy. Bostandyqqa shyqqan «Islam jaýyngerleri» azattyqtyń qurmetine qurban shalyp, Nookat qalasynda qudaıy sháı berdi. Bul jeńis sharasyna jınalǵan myńǵa jýyq adamnyń basym bóligi «Hızbýt-Tahrır» ókilderi bolatyn. Áli Parlament jasaqtap, Prezıdentin saılap, Konstıtýtsııasyn qurastyryp úlgermegen Ýaqytsha úkimettiń dinı radıkaldardy azat etýge asyǵýynyń syry nede bolýy múmkin?», deı kele maqala avtory osy saýalǵa jaýap izdeıdi. Avtordyń osy máselege baılanysty tolyq oıyn bilgińiz kelse, «Alash aınasy» basylymyndaǵy «Qyrǵyzstanda ıslamdyq ustanymdaǵy saıası partııalar paıda bolýy múmkin» atty maqalany oqyńyz.

Sondaı-aq osy basylym tilshileri ekonomıka ǵylymynyń doktory, Ulttyq ǵylym akdemııasynyń akademıgi Saǵyndyq Satypaldınmen suhbat uıymdastyrypty. Onda ǵalym «munaı, gaz salasy týraly sóz etkende men birinshi kezekte elinde bir tutam munaıy joq Belorýssııaǵa qyzyǵamyn. Belarýssııada munaı joq, kerisinshe munaı óńdeıtin zaýyttary barshylyq. Olar biz sııaqty shetelge shıki munaı satatyn elderden shıkizat satyp ala alady. Ony óńdep, ózimizge qaıta qymbatqa satady. Qazir iri kompanııalar kóktemgi egis kezinde nemese kúzgi naýqan tusynda anany-mynany syltaýratyp, munaı óndirmeı qoıady. Sodan baryp, janarmaı satýshylar janar-jaǵarmaı baǵasyn shyraqtatyp qymbattatady», deıdi. Ǵalymnyń eldegi osy tektes túıtkildi máselelerge qatysty pikirlerin bilgińiz kelse, basylymnyń búgingi sanyndaǵy «Aýyldyń tirligin nesıege baılaý durys emes» atty suhbatty oqyńyz.

***

«Astana aqshamy» búgingi sanynda senbi kúni Abaı jáne Beıbitshilik kósheleriniń qıylysqan tusynda qazaqtyń bas aqyny Abaıǵa arnalǵan eskertkish ashylǵandyǵyn jazady. Eskertkishtiń ashylýyna oraı basylym elimizdiń joǵary laýazym ıeleri men aqyn, jazýshylardyń pikirlerin jarııalaǵan. Olardy «Alash Abaıymen ardaqty» atty maqaladan oqı alasyzdar.

Sondaı-aq osy basylym maýsymnyń 26-y men 27-si jáne shildeniń 3-i men 6-sy aralyǵynda elordanyń úsh aýdanynda aýyl sharýashylyǵy ónimderiniń jármeńkesi uıymdastyrylatyndyǵyn habarlaıdy.

***

«Kedendik baj salyǵynyń árkelkiligi qatardaǵy azamattarǵa tıimdi. Biz endi kólikterdi 90-shy jyldardaǵydaı Germanııadan nemese ózge de memleketterden tasymaldaı alamyz. Bul biz úshin óte arzan. Ásirese, ol 3 jyldan 10 jylǵa deıingi, ıaǵnı ekinshi ret satylatyn kólikterge qatysty. Al kóp jyldardan beri kólik tasymaldaýmen aınalysatyn resmı dıllerler bolsa, aıtarlyqtaı shyǵyndarǵa ushyraýlary múmkin», degen pikirin bildiripti senator Ǵanı Qasymov «Lıter» basylymyna bergen suhbatynda. Osy máselege baılanysty túrli sala mamandarynyń pikirin «Lıter» basylymynyń búgingi sanynan oqyńyz.

***

«Kazahstansakaıa pravda» basylymy tilshileriniń pikirlerinshe, Kedendik Odaqtyń oǵan múshe elderge tıimdiligi kúmánsiz. «Óıtkeni atalmysh odaq qoldanystaǵy óndiristerdi keńeıtip, jańa óndiris oshaqtarynyń boı kóterýine yqpal etedi. Al bul óndirister óz kezeginde odaqqa múshe elderdiń turǵyndarynyń qajettilikterin qamtamasyz etedi. Sondaı-aq osy elderge ınvestıtsııa tartyp, ár memlekettiń óziniń múmkindikterine qaraı birlesken óndirister qurýǵa yqpalyn tıgizedi», dep jazady basylym «Integratsıonnyı faktor ýspeha» atty maqalada.