Qyrǵyzstannyń Tótenshe jaǵdaılar mınıstrligi Batken oblysynda zilzala qýatynyń 7-8 ball bolǵanyn habarlady
BІShKEK. 20 shilde. QazAqparat /Arnur Rahymbekov/ - Qyrǵyzstannyń Tótenshe jaǵdaılar mınıstrliginiń aqparaty boıynsha, respýblıkanyń Batken oblysynda búgin túnde eki ret jer silkindi.
Aldyn-ala málimetter boıynsha, 20 shilde kúni túngi saǵat 1.35-tiń shamasynda zilzala oshaǵynda qýaty 7-8 balldyq jerasty dúmpýi tirkelgen. Jer silkinisiniń oshaǵy Batken qalasynyń shyǵysyna qaraı 52 shaqyrym jerde bolǵan.
Odan keıin saǵat 02.46-nyń shamasynda 3,5 balldyq ekinshi jer silkinisi tirkelgen. Onyń oshaǵy da sol mańda bolǵan.
Batken oblysynyń azamattyq qorǵanys komıssııasy qazir apat aımaǵynda tekserý júrgizip jatyr. Qadamjaı aýdanyna tańerteń Tótenshe jaǵdaılar mınıstrliginiń qyzmetkerleri attandy.
