Qyrǵyzstannyń syrtqy qaryzdary 2,6 mlrd. dollardy quraıdy
ALMATY. 22 qarasha. QazAqparat /Erbol Turymbetov/ - Qazirgi ýaqytta Qyrǵystannyń bıýdjetindegi qarjy tapshylyǵy 620 mln. AQSh dollaryna taıaý.
Al syrtqy qaryzdary 2,6 mlrd dollardy quraıdy. Bul jaıly Qyrǵyzstan Joǵarǵy Keńesiniń depýtaty Ravshan Jıendikov ótken aptanyń juma kúni Bishkekte «Qazaq jýrnalıster klýbymen» bolǵan kezdesýde málim etti.
«Búginde eldiń áleýmettik-ekonomıkalyq jaǵdaıy tómen, 7 sáýir oqıǵasynan soń odan ári álsireı tústi. Birshama kásiporyndar qaıta ashylǵanymen, kóbi jumysyn toqtatqan. Bundaı aýyr jaǵdaıǵa Qyrǵystan óz tarıhynda birinshi ret ushyrap otyr», - dedi ol.
Onyń aıtýynsha, Qyrǵyzstannyń ishki jalpy ónimi 0,6 paıyzǵa quldyraǵan. Eldegi ortasha jalaqy mólsheri 3 myń som bolsa, ortasha zeınetaqy 1500 somdy quraıdy. Al qyrǵyzstandyq bısnes ókilderiniń ortasha aılyq tabysy 10 myń som shamasynda.
