Qyrǵyzstannyń Syrtqy ister mınıstrligi ushaqty qonýǵa májbúrlegen Irannyń áreketine alańdaýshylyq bildirdi
ASTANA. Naýryzdyń 1-i. QazAqparat - Qyrǵyzstannyń Irandaǵy Elshisi Medet Sherimqulov Irannyń Syrtqy ister mınıstriniń orynbasary Mohammad Reza Raýf Sheıbonımen bolǵan kezdesýde qyrǵyzdyń azamattyq ushaǵyn qonýǵa májbúrlegen Iran tarabynyń áreketine baılanysty narazylyq bildirdi,
dep habarlady dúısenbi kúni «RIA «Novostı» agenttigine Qyrǵyzstannyń syrtqy ister vedomstvosynan.
Aqpannyń 23-inde Irannyń áskerı-áýe kúshteri «Qyrǵyzstan» áýe kompanııasynyń Dýbaı-Bishkek reısin oryndaıtyn jolaýshylar ushaǵyn qonýǵa májbúrlegen bolatyn. Irannyń arnaıy qyzmetteri ushaqtan eki jolaýshyny túsirip alyp qalǵany, resmı málimetter boıynsha, ushaqta «Djýndallah» («Allah sarbazdary») súnnıttik lańkestik uıymynyń jetekshisi Ábdilmálik Rıgı men onyń seriktesi bolǵany habarlaǵan bolatyn.
«Osyǵan baılanysty Iran Islam Respýblıkasynyń Syrtqy ister mınıstriniń orynbasary Mohammad Reza Raýf Sheıbonı myrza resmı keshirim surady», - delingen qyrǵyz vedomstvosynyń habarlamasynda.
Mınıstrliktiń baspasóz qyzmeti «qyrǵyzstandyq ushaqtyń bortyndaǵy sheteldik azamattardyń ustalǵany týraly birqatar aqparat quraldary jarııalap otyrǵan aqparattar shyndyqqa sáıkes kelmeıtinin» habarlap otyr. Degenmen, mınıstrlik, Iran ókimetiniń qyrǵyz ushaǵyn qondyrýǵa májbúrleýine nendeı sebep bolǵanyna túsindirme bergen joq.
