Qyrǵyzstannyń shekarasyn salt attylar kúzetetin bolady
ASTANA. 1 aqpan. QazAqparat - Qyrǵyzstan Prezıdenti Roza Otynbaeva eldiń ońtústik shepterin kúzetý úshin salt attylar otrıadyn qurýdy usyndy.
Otynbaevanyń aıtýynsha, ótken jazdaǵy kórshi Tájikstan jaqtan respýblıka aýmaǵyna sodyrlar jasaǵy basyp kirý yqtımaldyǵy týraly aqparattarǵa baılanysty osyndaı qajettilik týyndap otyr. Bul týraly RTR-Vestı.Ru basylymy habarlady.
«Shekarashylardyń azdyǵyna baılanysty, el shebin kúzetýge jergilikti turǵyndardan jasaqtalǵan salt attylar otrıadtary tartylýy kerek dep sanaımyn», dep málim etti Otynbaeva Osh qalasynda ońtústik aýdandardyń aktıvterimen bolǵan kezdesýde. Respýblıka basshysy sondaı-aq qosymsha zastavalar men blok-beketter salý josparyn jarııa etti jáne shekarashylar shtatyn keńeıtýge jáne olarǵa ammýnıtsııalar alýǵa bıyl qosymsha qarajattar bólinetinin aıtty.
Respýblıkalyq shekara qyzmetiniń málimeti boıynsha, qazirgi tańda Qyrǵyzstannyń memlekettik shekarasynyń ár shaqyrymyna orta eseppen bir shekarashydan keledi eken. Al kórshi Tájikstan men Ózbekstanda bul kórsetkish 9-10 adamdy quraıdy.
