Qyrǵyzstannyń saılaý komıssııasy Parlament saılaýynyń qorytyndysyn zańsyz dep tapty
BІShKEK. KABAR - QazAqparat – Qyrǵyzstannyń saılaý jáne referendým ótkizý jónindegi ortalyq komıssııasy 2020 jyldyń 4 qazanynda Jogorký Kenesh depýtattarynyń saılaýynda berilgen daýystardy zańǵa saı emes dep tapty.
Bul týraly QazAqparat Qyrǵyzstannyń KABAR agentigine silteme jasap habarlaıdy.
Qyrǵyzstandaǵy parlament saılaýy 4 qazan kúni ótti. Oǵan 16 saıası partııa qatysty. Esepteý boıynsha 4 partııanyń jınaǵan daýysy 7 paıyzdan asqan. Olar: «Bırımdık», «Mekenım Kyrgyzstan», «Kyrgyzstan», «Býtýn Kyrgyzstan».
Basqa partııalar qajetti daýys jınaı almady.
5 qazanda túske qaraı saılaý qorytyndysymen kelispegender Ala-Too alańynda mıtıngige shyqty. Jeńilgen partııa kóshbasshylary bılikten saılaý qorytyndysynyń kúshin joıýdy talap etti. Olardyń pikirinshe, saılaýda óreskel tártip buzýshylyqtar bolǵan.
Keshke qaraı «Aq úıge» shabýyl jasaǵan mıtıngige qatysýshylar men quqyq qorǵaý organdary qyzmetkerleriniń arasynda qaqtyǵys bastaldy. Qarsylyq tanytýshylar 6 qazan túnde «Aq úıdi» basyp aldy.
