Qyrǵyzstannyń Premer-mınıstri óńirlik kedendik qyzmetterdiń bes bastyǵyn jumystan shyǵarýdy usyndy
BІShKEK. 18 aqpan. QazAqparat - Qyrǵyzstannyń Memlekettik keden qyzmetiniń (MKQ) alqa májilisinde QR Mınıstrler kabınetiniń basshysy Jantoro Satybaldıev atalǵan vedomstvonyń jumysyn qatań synǵa aldy.
Ol qazirgi kúrdeli ekonomıkalyq jaǵdaıda Qyrǵyzstannyń kedendik jáne salyqtyq tólemderden basqa kiris kózderi joqtyǵyn málimdedi. «Syrtqy kómek quraldary úılestirilip qoıyldy, al áleýmettik shyǵyndardy sizderdiń jıyn-terimderińizben jabatyn bolamyz. Kelispeýshilikter bolmas úshi men sizge (avt. - QR MKQ) Ekonomıka mınıstrligimen josparlar men boljamdardy pysyqtaýǵa eki apta beremin. Áıtpese, bizde áleýmettik mindettemeler boıynsha tólemdermen problemalar bolady», - dep habarlady J.Satybaldıev ótken aptanyń sońynda ótken kezdesýde.
Sondaı-aq qyrǵyzstandyq premer-mınıstr 2013 jyly úkimetke bıýdjetti sekvestrleýge eshkim ruqsat bermeıtinin atap ótti. Osyǵan baılanysty, boljamdyq kórsetkishterge óte muqııat qaraý kerek.
«Aılyq jospardy oryndamaıtyn bólim bastyqtaryna aldymen sógis jarııalap, keıinnen jumystan shyǵarýdy usynamyn. Budan basqa, kedendik qyzmetterdiń bes aımaqtyq bastyǵynyń jaýapkershiligin qarastyryp, eki aptadan keıin maǵan olardyń jumystan shyǵarylýy týraly habarlaýdy suraımyn», - dep atap ótti J.Satybaldıev.
