Qyrǵyzstannyń Osh oblysynda zardap shekkenderdi 20 qarashaǵa deıin ýaqytsha baspanaǵa ornalastyrý aıaqtalady
BІShKEK-OSh. 5 qarasha. QazAqparat /Arnur Rahymbekov/ - Osh oblysy Qarasý aýdanynyń maýsym oqıǵalarynan zardap shekken barlyq turǵyndary ústimizdegi jyldyń 20 qarashasyna deıin jańa baspanaǵa ornalasa alady.
Buǵan Osh jáne Jalalabad qalalaryn qaıta qalpyna keltirý jónindegi memlekettik dırektsııa senimdi, dep habarlaıdy bizdiń tilshimiz.
Memlekettik dırektsııa taratqan málimet boıynsha, 2010 jyldyń 5 qarashasyndaǵy jaǵdaı boıynsha Osh oblysy Qarasý aýdanyndaǵy barlyq salynyp jatqan 717 ýaqytsha úıdiń shatyryn jabý 96 paıyzǵa aıaqtaldy. Qazirgi ýaqytta bul úılerde ishki árleý jumystary júrgizilýde.
