Qyrǵyzstannyń Osh qalasynda túrkitildes elderdiń baýyrlastar stellasy ashyldy

OSh. Kabar – QazAqparat – Qyrǵyzstannyń Osh qalasyndaǵy «Aqnıet» saıabaǵynda «Osh Túrki áleminiń mádenı astanasy - 2019» halyqaralyq baǵdarlamasynyń aıaqtalýyna oraı TÚRKSOI Baýyrlastar stellasy ashyldy, dep habarlaıdy QazAqparat «Kabar» agenttigine silteme jasap.

Rásimge Osh qalasynyń meri Taalaıbek Sarybashov, Halyqaralyq túrki mádenıeti uıymynyń bas hatshysy (TÚRKSOI) Dúısen Qaseıinov, Qyrǵyzstannyń mádenıet, aqparat jáne týrızm mınıstri Azamat Jamanqulov, qalalyq keńes tóraǵasy Japarbek Ormonov, sondaı-aq túrkitildes 12 memlekettiń mádenıet mınıstrleri qatysty, onyń qatarynda Túrkııa, Ázerbaıjan, Túrkimenstan, Qazaqstan, Ózbekstan bar. Sondaı-aq, sharaǵa Osh qalasynyń jurtshylyǵy men qoǵam belsendileri keldi.

Stellany ashý rásiminde qala meri Taalaıbek Sarybashov, «Osh Túrki áleminiń mádenı astanasy - 2019» sharasy barsha túrkitildes elderi úshin mańyzdy shara ekenin atap ótip, ótkizilgen mádenı buqaralyq sharalardy Osh qalasynyń jáne eldiń ońtústik bóligindegi turǵyndardyń umytpaıtynyn, ol Túrkitildes elderdiń mádenı astanalarynyń baýyrlastyǵyn nyǵaıtatynyn jetkizdi.