Qyrǵyzstannyń Ortalyq saılaý komıtetine parlamenttik saılaýdyń qorytyndy nátıjelerin shyǵarý úshin ýaqyt kerek
BІShKEK. Qazannyń 22-si. QazAqparat /Arnur Rahymbekov/ - Qyrǵyzstan prezıdenti óziniń beınekúndeligi arqyly eldegi sońǵy saıası jaǵdaıǵa túsinik bere ketti.
Kórshi respýblıka basshysynyń beınekúndeligindegi sońǵy jazba parlamenttik saılaý nátıjelerin shyǵarý jáne parlamenttik koalıtsııany qalyptastyrýǵa baılanysty elde qalyptasqan saıası ahýalǵa arnalǵan eken.
Roza Otynbaeva atap ótkendeı, daýys berýdiń aldyn ala nátıjelerine sáıkes parlament quramyna kirýi múmkin saıası partııalar kóshbasshylarymen kezdesý kezinde Ortalyq saılaý komıssııasyna daýys berýdiń sońǵy nátıjelerin shyǵarý úshin ýaqyt kerektigi týraly sheshim qabyldandy.
Osy ýaqyt ishinde Qyrǵyzstannyń OSK saılaý komıcsııalary men saıası partııalardan túsken hattamalardy salystyrady. Hattamalardyń túpnusqalary salynǵan seıf-paketterdi ashý sharasyna saıası partııalardyń ókilderi qatysady.
Eske sala keteıik, Qyrǵyzstandaǵy parlamenttik saılaý qazannyń 10-ynda ótkizildi. Oǵan el azamattarynyń 56 paıyzy qatysyp, jıyrma toǵyz saıası partııa úshin óz daýystaryn berdi.
