Qyrǵyzstannyń ońtústiginen kelgen barlyq bosqyndar úılerine qaıtty
ASTANA. Shildeniń 13-i. QazAqparat - Qyrǵyzstannyń ońtústiginde bolǵan qantógisti ultaralyq qaqtyǵystan qashyp, úılerin tastap ketken bosqyndar óz úılerine qaıtyp oraldy, dep málimdedi búgin Qyrǵyz Respýblıkasy Prezıdentiniń zardap shekkenderge kómek kórsetý jónindegi arnaıy ókili Aıgúl Rysqulova, dep habarlaıdy RIA Novostı.
Maýsym aıynda Qyrǵyzstannyń Osh pen Djalal-Abad oblystarynda osy jerde turatyn qyrǵyzdar men ózbekter arasynda qarýly qaqtyǵystar oryn alǵan edi. Resmı emes málimetterge súıensek, osy qaıǵyly oqıǵalar nátıjesinde shamamen 2 myńdaı adam qaza taýyp, 2,5 myńǵa jaqyn ǵımarattyń kúl-talqany shyqty. Óz úılerin jarty mıllıondaı adam tastap ketti. Onyń 100 myńnan astamy kórshiles Ózbek elin panalady.
«Qazirgi kúni Qyrǵyz eliniń jer aýmaǵynda bosqyndarǵa arnalǵan shatyr qalashyqtary joq, olardyń barlyǵy derlik úılerine oraldy», - dedi A.Rysqulova.
