Qyrǵyzstannyń ońtústigindegi jappaı tártipsizdikke baılanysty Qazaqstan polıtsııasynyń qyzmeti kúsheıtilgen tártipke kóshirildi - ІІM
ASTANA. Maýsymnyń 14-i. QazAqparat /Rýslan Ǵabbasov/ - Qyrǵyzstannyń ońtústigindegi jappaı tártipsizdikke baılanysty Qazaqstan polıtsııasynyń qyzmeti kúsheıtilgen tártipke kóshirildi.
Bul týraly búgin Úkimet otyrysynan keıin QR Іshki ister mınıstri Serik Baımaǵambetov málim etti.
«El polıtsııasynyń qyzmeti kúsheıtilgen tártipke kóshirildi», - dedi vedomstvo basshysy Úkimet otyrysynan keıin jýrnalıster saýalyna jaýap berý kezinde.
Esterińizge sala keteıik, sońǵy málimetter boıynsha, Qyrǵyzstannyń ońtústigindegi jappaı tártipsizdik saldarynan adamdar qaza bolýda, jaralylardyń sany shapshań ósý ústinde. BAQ-tarda taratylǵan málimetke qaraǵanda, qazirgi kezde qaza bolǵandardyń sany 117-ge jetken.
