Qyrǵyzstannyń ońtústigindegi jappaı tártipsizdik saldarynan 28 adam qaza taýyp, 400-den astamy jaralandy
ASTANA. Maýsymnyń 11-i. QazAqparat - Qyrǵyzstannyń ońtústigindegi Osh qalasyndaǵy jappaı tártipsizdik saldarynan 28 adam qaza taýyp, 400-den astamy jaralandy, dep habarlady RBK agenttiginiń tilshisine respýblıkanyń densaýlyq saqtaý mınıstrliginiń baspasóz qyzmetinen. Budan buryn 17 adamnyń qaza taýyp, 300-ge jýyq azamattyń jaralanǵandyǵy habarlanǵan bolatyn.
Ultaralyq qaqtyǵys týyndap otyrǵan eldiń ońtústigindegi jaǵdaı áli de shıelenisip tur. Oqıǵa ornyndaǵy derekkózdiń habarlaýynsha, Oshqa qaraı ońtústik astanany qorshap turǵan aýdandardan adamdar kele jatyr. Olardyń arasynda qyrǵyzdar men ózbekter bar. Kúsh-qurylym qyzmetkerleri olardy qalaǵa kirgizbeýge tyrysýda.
