Qyrǵyzstannyń ońtústiginde úsh reseılik alpınıst qaza tapty
ASTANA. QazAqparat - Qyrǵyzstannyń ońtústigindegi Batken oblysynda reseılik úsh alpınıst qaza tapty. Bul týraly Qyrǵyzstan Qarýly kúshteri Bas shtabynyń aqparattyq qamtý basqarmasynan habarlady.
Basqarma qyzmetkerleriniń sózine qaraǵanda, reseılikter Lenın shyńyna shyǵý kezinde ajal qushqan. "Olardyń máıitin alyp kelýge eldiń Áýe qorǵanysy kúshteriniń tikushaǵy tartyldy", - dedi basqarmada.
"Bıyl Áýe qorǵanysy kúshteriniń avıatsııasy on retten astam ushqan, - dep atap ótti bas shtabta. - Nátıjesinde 26 adam qutqaryldy, segiz adamnyń máıitteri eldi mekenderge jetkizildi".
