Qyrǵyzstannyń ońtústiginde Sırııadan terakt uıymdastyrý úshin kelgen úsh lańkes ustaldy (FOTO)
BІShKEK. QazAqparat - Qyrǵyz Respýblıkasynyń MUQK baspasóz qyzmetiniń habarlaýynsha, Batken oblysynda buǵan deıin Sırııada áskerı áreketterge qatysqan halyqaralyq lańkestik uıymnyń músheleri ustaldy.
Olar terrorlyq daıyndyqtan ótken jáne Sırııada úkimet áskerine qarsy qaqtyǵystarǵa qatysqan.
MUQK ókilderi lańkesterdiń jasyryn uıym quryp, qoldan jasalǵan jarylǵysh zattardyń jáne qarýdyń kómegimen elde birneshe dúrkin terakt uıymdastyrmaq bolǵan josparlary bolǵanyn aıtty.
Olardyń turǵyn jaılaryn tintý kezinde avtomat, oqqa toly oqshantaı, F-1 granatasy, oq-dáriler, lańkestik ádebıetter, sondaı-aq jıhadty úndeıtin materıaldar salynǵan túrli elektrondy quraldar tabyldy.
