Qyrǵyzstannyń ońtústiginde oryn alǵan tártipsizdikterdiń saldarynan adamdar jaralandy
ASTANA. Mamyrdyń 14-i. QazAqparat - Qyrǵyzstandaǵy jaǵdaı ýshyǵyp tur. Bakıevtiń jaqtastary oblys ákimshiligi ǵımaratyn basyp alǵan Jalalabad qalasynda beısenbi kúni eks-prezıdenttiń jaqtaýshylary men ýaqytsha úkimetti qoldaýshy «Atameken» partııasynyń ókilderiniń arasynda qaqtyǵys oryn aldy. Bul týraly RBK agenttigi habarlap otyr.
Al «AkıPress» agenttiginiń aqparaty boıynsha, tártipsizdikter kezinde eki jaqtan da atystar estilgen. Nátıjesinde 3 adam zardap shekken.
Bakıevshiler Bishkekten úkimettik áskerdiń kelý yqtımaldyǵynan qaýiptenip, osynyń aldynda Jalalabadtaǵy áýejaıdy basyp alǵan bolatyn. Áýejaıdyń ushyp-qoný alańynda ushaqtyń qonýyna kedergi bolyp úlken qoı tastar jatyr.
Jaǵdaı tek Jalalabadta ǵana ýshyǵyp otyrǵan joq. Beısenbi kúni tańerteń eldiń ońtústigindegi Osh qalasynda jańa úkimettiń jaqtaýshylary men qarsylastary jınaldy. Ýaqytsha úkimettiń qarsylastary burynǵy ókimetti qaıtarýdy talap etip, el konstıtýtsııasynyń jańa nusqasyna narazylyq bildirýde. Olar oblystyq ákimshiliktiń ǵımaratyn basyp aldy. Bakıevshiler, sondaı-aq, Batken oblystyq ákimshiligin de basyp alyp otyr.
Іshki ister mınıstriniń mindetin atqarýshy Ismaıl Ysqaqov jaǵdaıdy retteý úshin eldiń ońtústigine ushyp shyqty. Al Qyrǵyzstannyń Bas prokýratýrasy tártipsizdik jáne Osh qalasyndaǵy ákimshilikti basyp alý faktileri boıynsha «buzaqylyq» jáne buqaralyq tártipsizdikterdi uıymdastyrý» baptary boıynsha qylmystyq is qozǵady.
