Qyrǵyzstannyń ońtústiginde laı kóshkini júrdi
ASTANA. QazAqparat - Ózgen aýdanynda laı kóshkini 6 úıdi basyp qaldy. Bul týraly Qyrǵyzstan TJM habarlaıdy, dep jazdy turmush.kg .
Mekeme derekterine sáıkes, 29 sáýir kúni shamamen 07:20-da Zerger aýyldyq okrýginiń Aıý aýyly mańynda jalpy kólemi shamamen 1 mln tekshe metr bolatyn laı kóshkini júrdi. Laı massalary turǵyn úılerdi basyp qaldy. Oqıǵa ornyna 33 adamnan quralǵan qutqarý toby jáne azamattyq qorǵaý boıynsha komıssııa músheleri shyqty.
Qutqarý jumystary Tótenshe jaǵdaı mınıstriniń orynbasary Ravshan Rysbaevtyń jetekshiligimen júrgiziledi. TJM naqtylaǵan derekter boıynsha, laı kóshkini astyna 24 adam qalǵan. Ondaǵy úı ıelerine TJM naýryz aıynda laı kóshkini týraly eskertip, qaýipsiz orynǵa kóshý qajettigin habarlaǵan. Qyrǵyzstan prezıdenti Almazbek Atambaevtyń tapsyrmasymen Úzgen aýdanyndaǵy laı kóshkini ornyna Qyrǵyzstan Tótenshe jaǵdaı mınıstri Kýbatbek Boronov bardy. Qyrǵyzstan basshysy qaza tapqandar men zardap shekkenderdiń otbasyna materıaldyq kómek kórsetýdi tapsyrdy.
