Qyrǵyzstannyń ońtústiginde lańkes jolaýshylar kóligin basyp aldy
BІShKEK. 10 qazan. QazAqparat /Arnur Rahymbekov/ - Qyrǵyz Respýblıkasy ІІM habarlaýynsha, 8 qazan kúni shamamen keshki saǵat 17-18-de Osh oblysy Qarasý aýylynda qarýlanǵan qylmysker júrgendigi týraly jedel aqparat kelip túsedi.
Ony qolǵa túsirý úshin Qyrǵyzstannyń mılıtsııa jáne ulttyq qaýipsizdik jónindegi memlekettik komıtetiniń qyzmetkerlerinen quralǵan top álginiń turǵylyqty jerine attanady.
Aldyn ala boljam boıynsha, qarýlanǵan er adam radıkaldy ıslam uıymynyń múshesi bolǵan. Ol óz úıinde qarýdan oq atyp, qolǵa túsirý barysynda qarsylyq tanytqan. Lańkes Osh qalasyna bara jatqan jolaýshylar kóligindegi adamdardy tutqynǵa alǵan. Degenmen, qaladan shyǵar kezde ony qolǵa túsirý operatsııasy júrgizildi. Atys kezinde lańkes qaza tapty. Onyń jeke tulǵasy anyqtalýda, tergeý amaldary júrip jatyr.
