Qyrǵyzstannyń ońtústiginde qyzylshany jappaı juqtyrý jaǵdaıy tirkeldi
BІShKEK. QazAqparat - Qyrǵyzstannyń ońtústik óńirlerinde Jalal-Abad oblysynda dárigerler qyzylsha juqtyrǵan 1 myń 798 jaǵdaıdy tirkedi. Olardyń ishinde tek 630 naýqas qana egilmegen. Bul týraly Qyrǵyz Respýblıkasy Densaýlyq saqtaý mınıstrliginiń baspasóz qyzmeti habarlady.
Habarlamada Jalal-Abad oblysynda 1 myń 196 naýqas tirkelgeni atap ótiledi, onyń 918 qanaǵattanarlyq jaǵdaıda úılerine jiberilse, 602-si ambýlatorııalyq em alýda, 567-si saýyǵyp ketken.
Onyń ishinde 1 jasqa deıingi balalar - 474, 1-den 4 jasqa deıingiler - 223, 5-9 jas - 105, 10-19 jas - 704, e 20-dan joǵary - 292.
«Juqtyrýshylar sanynyń ósýi kóshi-qon aǵynyna jáne keı adamdardyń túrli dinı nanym-senimder boıynsha egilýden bas tartýlaryna baılanysty. Qyzylshaǵa, qyzamyqqa qarsy ımmýndeýge Jalal-Abad oblysy 400 myń doza vaktsına bóldi. Qazirde epıdemııaǵa qarsy shara kúsheıtildi, ekpe qabyldamaǵan adamdardy anyqtaý úshin úı-úıdi aralaý jumystary júrgizilýde, halyqqa taratý úshin býkletter ázirlendi», - delingen habarlamada.
Baspasóz paraǵynda habarlanǵandaı, aǵymdaǵy jylǵy 12-23 mamyr aralyǵy kezeńinde qyzylsha men qyzamyqqa qarsy ımmýndeý naýqanyn júrgizý aıasynda QR densaýlyq mınıstrliginiń mamandary eldiń ońtústik óńirlerine praktıkalyq kómek kórsetý úshin shyǵatyn bolady.
