Qyrǵyzstannyń ońtústiginde qyrǵyzdar men ózbekter tóbelesti
ASTANA. 18 shilde. QazAqparat - Qyrǵyzstannyń ońtústiginde qyrǵyz jáne ózbek jastarynyń arasynda jappaı tóbeles boldy.
Rosbalt agenttiginiń habarlaýynsha, oqıǵa jeksenbi kúni Osh oblysynyń Aravan aýdanynda oryn alǵan.
Tóbelesti taksı júrgizýshileriniń bastaǵany habarlanyp otyr. Tóbeleske qatysqandardyń jalpy sany ázirge naqtylanbaǵan. Jergilikti ákimshilik ókilderiniń habarlaýynsha, eshkim medıtsınalyq kómek surap barmaǵan.
Jergilikti ókimet barlyq saýda núkteleri men bank mekemelerin jabý týraly nusqaý bergenin aıta ketý kerek. Sondaı-aq jaǵdaıdy ári qaraı ýshyqtyrmas úshin, taksıler de jumys istemeıdi.
Qazir Osh oblysynda 500-deı adamnyń mıtıngke shyqqany habarlanýda. Olar tóbelesti uıymdastyrǵandardy jazaǵa tartýdy talap etýde.
