Qyrǵyzstannyń ońtústiginde esirtki tasymaldaǵan Tájikstan ІІM qyzmetkeri ustaldy (FOTO)
BІShKEK. QazAqparat - Qyrǵyzstan Úkimetine qarasty Memlekettik esirtkini baqylaý qyzmetiniń baspasóz qyzmetiniń derekterine sáıkes, quqyq qorǵaý organdarynyń sybaılastyqqa boı aldyrǵan qyzmetkerlerin qylmystyq jaýapkershilikke tarta otyryp, asa iri kólemde aýǵandyq esirtki zattaryn zańsyz aınalymnan shyǵarý boıynsha júrgizilgen arnaıy operatsııa aıasynda Tájikstan ІІM qyzmetkeri ustaldy.
1 naýryzda MEBQ qyzmetkerleriniń tekserýi barysynda esirtki zattarynyń zańsyz aınalymymen aınalysty degen kúdikpen Batken oblysy Jashty aýylynda ІІM qyzmetkeri basqarǵan «Opel-Vektra» kóligi toqtatyldy.
Budan basqa, salonda 1971 jyly týǵan Tájikstan azamaty - Dýshanbe qalasynyń turǵyny bolǵan.
Kólikti tekserý barysynda júk salǵyshtan jabaıy kendir shóp ıisti qoshqyl-qońyr tústi zat salynǵan eki sporttyq sómke tabylyp, tárkilendi.
Saraptamaǵa sáıkes tárkilengen zat salmaǵy 36 keli 300 gramm «gashısh» esirtki zaty bolyp shyqty, quny shamamen 4 mıllıon somnan astamdy quraıdy.
