Qyrǵyzstannyń ońtústiginde bolyp jatqan tártipsizdikter saldarynan zardap shekkenderdiń ishinde Qazaqstan azamattary joq - QR SІM
ASTANA. Maýsymnyń 14-i. QazAqparat /Ernur Aqanbaı/ - Qyrǵyzstannyń ońtústiginde bolyp jatqan tártipsizdikter saldarynan zardap shekkenderdiń ishinde Qazaqstan azamattary joq. Bul týraly búgin Astanadaǵy aptalyq brıfıngte QR Syrtqy ister mnıstrliginiń resmı ókili Asqar Ábdirahmanov málim etti.
Onyń aıtýynsha, Osh qalasynda Qazaqstan Respýblıkasynyń konsýldyǵy joq. Alaıda, Reseı Federatsııasynyń ol jerdegi Bas konsýldyǵy Qazaqstannyń Bishkektegi Elshiligine járdem kórsetýde. «Qazaqstannnyń Qyrǵyzstandaǵy Elshiliginiń málimetinshe, keshe, maýsymnyń 13-i kúni Elshiliktiń járdemimen Qazaqstannyń 1 áıel azamaty kúıeýimen jáne balasymen Oshtan Bishkekke ushaqpen jetkizildi», dedi S. Ábdirahmanov.
Resmı ókil Qazaqstan men Qyrǵyzstan arasyndaǵy shekaradaǵy ótkizý beketteri qalypty rejimde jumys istep jatqanyn atap ótti. «Qazaqstannnyń Qyrǵyzstanmen aradaǵy shekarasy burynǵy rejimde jumys isteýde, shekara jabylǵan joq», dedi ol.
