Qyrǵyzstannyń ońtústigin qalpyna keltirýge halyqaralyq uıymdar da atsalysady
BІShKEK. 26 sáýir. QazAqparat /Arnur Rahymbekov/ - Osh jáne Jalalabad qalalaryn qalpyna keltirý jáne damytý jónindegi Qyrǵyzstan Úkimetiniń janyndaǵy memlekettik dırektsııasy
«Qalpyna keltirý jáne qaıta jańartý isterine tótenshe kómek» jobasynyń aıasynda ACTED jáne DRC (Danııanyń Bosqyndar isteri jónindegi keńesi) halyqaralyq uıymdarymen yntymaqtastyq týraly kelisimshartqa qol qoıdy.
Atalmysh jobaǵa sáıkes, atalǵan eki qalada 1600 shaqty zaqymdanǵan úıdi qalpyna keltirý jáne taǵy 40-qa jýyq úıdi jóndeý jumystarymen qamtý josparlanyp otyr. Bul maqsattarǵa Azııalyq damý banki granttyq negizde 28 mıllıon dollar bólgen. 2010 jyly zardap shekken 1780 otbasyna 42 sharshy metrge deıin ýaqytsha baspanalar turǵyzylyp berilgen bolady. Bıyl ol úılerdiń aýdany 100 sharshy metrge deıin arttyrylady.
