Qyrǵyzstannyń quqyq qorǵaý organdary joǵary daıyndyq rejimine kóshiriledi
BІShKEK. 30 mamyr. QazAqparat - 2012 jyldyń 5 maýsymynan bastap Qyrǵyzstannyń ońtústik oblystarynyń quqyq qorǵaý organdary joǵary ázirlik tártibine aýysady.
Bul týraly QR ІІM qoǵamdyq qaýipsizdik bas basqarmasynyń bastyǵy Erkin Baev habarlady.
Kórshiles respýblıkadaǵy kúsh qurylymdarynyń atalǵan qadamdary Qyrǵyzstannyń ońtústiginde etnıkaaralyq qaıǵyly janjaldyń aıaqtalýynyń eki jyldyǵymen baılanysty. Túrli málimetter boıynsha, etnıkalyq qyrǵyzdar men ózbekterdiń qaqtyǵystary saldarynan eki myńnan astam adam qaza taýyp, iz-tússiz joǵalǵan dep eseptelýde.
«Maýsym» oqıǵalary datasynyń qarsańynda Qyrǵyzstannyń ońtústigindegi turǵyndar arasynda qaqtyǵystyń qaıtalanýy nemese shekarasy az nyǵaıtylǵan kórshiles Tájikstan aýmaǵynan jaýyngerlerdiń kirýi týraly qaýesetter júrýde.
Osyǵan baılanysty Qyrǵyzstannyń ІІM Batkent, Osh, Jalal-Abad oblystary men Osh qalasyndaǵy kúsh sanyn kúsheıtýge nıetti. Sonymen qatar strategııalyq nysan - Toqtoǵul MES jáne basqa da erekshe mańyzdy nysandardyń qorǵalýy kúsheıtiledi. Árbir AІІB-de saraptamalyq toptar quryldy, olar baspasózde jáne ınternette ultaralyq arazdyqty týdyratyn jarııalanymdardy kún saıyn baqylaıdy.
Qoǵamdyq qaýipsizdikti qamtamasyz etýge barlyǵy 3,5 myńǵa jýyq polıtseı men 4 myńnan astam «halyq jasaqtary» tartylady.
