Qyrǵyzstannyń quqyq qorǵaý organdary kúsheıtilgen rejimde jumys isteýde
BІShKEK. Maýsymnyń 12-si. QazAqparat /Evgenıı Novıkov/ - Oshtaǵy tártiptizdikter sebebinen mılıtsııanyń jeke quramy táýlik boıy qyzmet atqarý rejimine aýystyryldy, dep habarlady Bishkek qalalyq ishki ister basqarmasynyń baspasóz qyzmeti.
Aıtalyq, qalada neǵurlym daıyndyǵy joǵary quqyq qorǵaý qyzmetkerlerinen kúsheıtilgen tergeý-jedel toptary men qujattandyrý toptary qurylǵan. Asa mańyzdy nysandar kúsheıtilgen kúzetke alynǵan. Qoǵamdyq oryndarda patrýldik-beket jasaqtary sany kóbeıtildi. Sondaı-aq qosymsha mılıtsııa postylaryn, mamandandyrylǵan jedel toptar jáne jaıaý patrýlder qurý kózdelýde, olar ásirese keshki jáne túngi ýaqyttarda azamattardyń kóbirek jınalatyn jerlerine shoǵyrlandyrylady.
Qalalyq ishki ister basqarmasy kez kelgen zańsyz áreketterge qoldanystaǵy zańnama aıasynda qatań tosqaýyl qoıylatynyn atap kórsetedi.
Budan basqa, Bishkektiń aýdandyq ishki ister bólimderinde «Ala-Too», Patrıot», «Aprel», «Birimdik» jastar jáne qoǵamdyq birlestikteri ókilderinen erikti jasaqshylardyń shuǵyl toptary uıymdastyrylǵan. Mılıtsııa qyzmetkerlerimen birge olar el astanasynyń qoǵamdyq oryndarynda patrýldi júzege asyrýda.
