Qyrǵyzstannyń qorǵanys mınıstri qyzmetinen bosatyldy
ASTANA. QazAqparat - Búgin, 12 qazan kúni Qyrǵyzstan Respýblıkasynyń Prezıdenti Almazbek Atambaev Qudaıberdıev Ábıbolla Álimulyn Qyrǵyzstan Respýblıkasy qorǵanys mınıstri qyzmetinen bosatý týraly Jarlyqqa qol qoıdy.
Bul týraly Qyrǵyzstan memleketi basshysynyń baspasóz qyzmetine silteme jasap KırTAG habarlady.
Qyrǵyzstan Respýblıkasy qorǵanys mınıstri mindetterin oryndaý qorǵanys mınıstriniń birinshi orynbasary Zamır Sýerqulovqa júkteldi.
Buryn habarlanǵandaı, QR áskerı prokýratýrasy Á.Qudaıberdıev pen qorǵanys vedomstvosynyń birqatar tulǵalaryna qatysty QR QK-niń 304 baby (qyzmettik ókildigin teris paıdalaný), 315 baby (qyzmet babynda jalǵan qujat jasaý) jáne 171 baby (ózine senip tapsyrylǵan múlikti ıelený nemese jumsaý) boıynsha qylmystyq is qozǵady.
