Qyrǵyzstannyń halyq jasaqshylary parlamenttik saılaý qarsańynda bas qosty
BІShKEK. Qyrkúıektiń 21-i. QazAqparat /Arnur Rahymbekov/ - Búgin Bishkekte Qyrǵyzstan halyq jasaqtarynyń alǵashqy sezi boldy.
Búgingi is-sharaǵa Qyrǵyzstan Respýblıkasy Qaýipsizdik keńesiniń hatshysy Marat Imanqulov, Qyrǵyzstan Respýblıkasy prezıdentiniń qorǵanys, qaýipsizdik, tártip saqtaý jáne tótenshe jaǵdaılar jónindegi bólim jetekshisi Busyrmanqul Tabaldıev, Qyrǵyzstan Respýblıkasynyń ishki ister mınıstri Zarlybek Rysalıev, Bishkek qalasy meriniń qyzmetin atqarýshy Isa Ómirqulov, sondaı-aq halyq jasaqtarynyń jetekshileri qatysty.
Sezd barysynda jasaq jetekshileri Halyqtyq jasaq keńesin qurý men birlesý týraly sheshim qabyldady. Olar manıfestke qol qoıdy, qujatqa sáıkes jaǵdaı turaqsyzdanyp ketken kezde Odaq el azamattarynyń qaýipsizdigi úshin qyzmet isteıtin bolady.
M.Imanqulov jınalǵan qaýymdy alǵashqy Sezdiń ótýimen quttyqtady. «Biz qıyn kezeńderdi bastan keshirýdemiz. Búginde Qyrǵyzstan demokartııalyq respýblıka qurý jolynda. Qyrǵyzstannyń qandaı jolmen júretindigi bizge baılanysty», - dep atap ótti ol.
M.Imanqulv eń bastysy syrtqy jáne ishki qaýipsizdikpen qamtamasyz etý ekendigine toqtaldy. Ol sondaı-aq yntymaqtastyq ornatýǵa daıyn ekendigin, jáne de Jasaqtar odaǵynyń kez kelgen sheshimin qabyldaıtyndyǵyn jetkizdi.
