Qyrǵyzstannyń eks-prezıdenti Q.Bakıevti izdeý jumystarymen Interpol aınalysady
ASTANA. Mamyrdyń 27-si. QazAqparat- Qyrǵyzstannyń eks-prezıdenti Q.Bakıevti izdeý jumystarymen Interpol aınalysady, dep habarlaıdy RBK.
Qyrǵyzstannyń ýaqytsha úkimeti Interpolǵa júginip, Q.Bakıevke halyqaralyq izdeý jarııalady. Respýblıkanyń burynǵy basshysynyń qazir turyp jatqan jeri belgisiz.
Burynyraq respýblıkanyń jańa bıligi Belarýs Bas prokýratýrasyna eks-prezıdentti ekstradatsııalaý týraly suraý salǵan. Belarýs tarapy barlyq qajetti qujattardy alǵanyn rastaǵanymen, suraýdyń qansha ýaqytta qaralatyndyǵy jóninde eshteme aıtpaǵan.
Esterińizge sala keteıik, Q.Bakıevke 2010 jylǵy sáýirdiń 7-inde bolǵan oqıǵada qaza tapqan adamdardyń ólimine kináli degen syrttaı aıyp taǵylyp otyr. Al Belarýstan saıası baspana tapqan Q.Bakıev otanyna qaıtyp barmaıtyndyǵyn málimdegen. Onyń aıtýynsha, ol Qyrǵyzstannyń prezıdenti jáne konstıtýtsııa kepili bolyp qala beredi.
