Qyrǵyzstannyń eks-prezıdenti Almazbek Atambaevqa emdelý úshin elden shyǵýǵa ruqsat berildi
BІShKEK. KABAR-QazAqparat – Bishkek qalasynyń Pervomaı aýdandyq soty Qyrǵyzstannyń burynǵy prezıdenti Almazbek Atambaevqa emdelý úshin elden shyǵýǵa ruqsat berdi, dep habarlaıdy QazAqparat Kabar agenttigine silteme jasap.
Aıta keteıik, Joǵarǵy sottyń sot alqasy A. Atambaevqa qatysty qylmystyq istiń jańadan ashylǵan mán-jaıy boıynsha is júrgizýdi qaıta bastaý týraly advokattardyń ótinishin qanaǵattandyrdy.
Osylaısha, qylmys áleminiń serkesi Azız Batýkaevty zańsyz bosatý týraly qylmystyq is Bishkektiń Pervomaı aýdandyq sotynda qaıta qaralady.
Pervomaı sotynda burynǵy prezıdent Almazbek Atambaev Azız Batýkaevty zańsyz bosatqany úshin 11,2 jylǵa bas bostandyǵynan aırylǵan bolatyn.
Foto: kabar.kg
