Qyrǵyzstannyń eks-prezıdenti Almazbek Atambaev 11 jylǵa sottaldy
BІShKEK. KABAR – QazAqparat – Bishkek qalasyndaǵy Pervomaı aýdandyq sotynda Qyrǵyz Respýblıkasynyń burynǵy prezıdenti Almazbek Atambaevtyń jemqorlyq isterine qatysty sot otyrysy ótti, dep habarlaıdy QazAqparat Kabar agenttigine silteme jasap.
Búgin qylmystyq iske qatysty sońǵy sot otyrysy boldy. Pervomaı aýdandyq sotynyń sheshimimen QR burynǵy prezıdenti Almazbek Atambaev QR Qylmystyq kodeksi 43 bap 2 tarmaǵy jáne 312 bap 2 tarmaǵy boıynsha aıypty dep tanylyp, 11 jyl 2 aıǵa bas bostandyǵynan aıyryldy. Onyń barlyq memlekettik marapattary men dúnıe-múlki tárkilendi.
Sot otyrysyna Atambaevtyń ózi qatysqan joq.
Eske sala ketsek, buǵan deıin QR Parlamenti Almazbek Atambaevty eks-prezıdent dárejesinen aıyryp, qylmystyq isterin áshkereleý úshin arnaıy komıssııa qurǵan bolatyn.
Komıssııa Atambaevtyń birneshe qylmysqa qatysy bar ekenin anyqtady.
Atap aıtqanda, Bishkek JEO jańǵyrtý kezindegi sybaılas jemqorlyqqa, uıymdasqan qylmystyq toptyń basshysy bolǵan Ázız Batuqaevty zańsyz bosatýǵa, astanalyq JEO-na kómir satyp alý kezindegi sybaılas jemqorlyqqa, Qoı-Tash aýylynan jer telimderin zańsyz satyp alýǵa jáne aqsha jymqyrýǵa qatysy bar belgili bolǵan.
