Qyrǵyzstannyń eks- premeri jemqorlyq babymen aıyptalýda

ASTANA. QazAqparat - Qyrǵyzstannyń burynǵy premer-mınıstri Sapar Isakovqa sybaılas jemqorlyq faktilerine baılanysty aıyp taǵyldy, dep jazady Kabar.

Qyrǵyz Respýblıkasynyń Memlekettik ulttyq qaýipsizdik komıteti tergep jatqan qylmystyq is aıasynda eldiń burynǵy Úkimet basshysy Sapar Isakovqa qatysty Qyrǵyzstannyń QK 303-babynyń 1-bóligine (sybaılas jemqorlyq) sáıkes aıyp taǵylyp otyr. Jáne odan eshqaıda ketpeý týraly qolhat alyndy.

Belgili bolǵandaı, Isakov 2013 jyly Prezıdent Apparaty jetekshisiniń orynbasary bolyp júrgende «Bishkek qalasynyń JEO jańǵyrtý» jobasyn iske asyrý kezinde óziniń laýazymdyq ókilettiligin paıdalanyp, sybaılas jemqorlyq faktilerine jol bergen.