Qyrǵyzstannyń eks-premeri memleketke 111 mln dollar shyǵyn keltirdi dep aıyptalyp otyr

BІShKEK. QazAqparat - Qyrǵyzstan Respýblıkasy Ulttyq qaýipsizdik memlekettik komıtetiniń (UQMK) bas tergeý basqarmasy Bishkek qalasynyń jylý elektr stansasyn jańǵyrtý kezinde jemqorlyq faktisi boıynsha qozǵalǵan qylmystyq isti tergeý amaldaryn aıaqtady. Bul týraly Kabar-ǵa silteme jasap QazAqparat habarlaıdy.

UQMB baspasóz qyzmetiniń málimetinshe, Sapar Isakov bastaǵan birqatar ókiletti jáne basqa tulǵalar ózderiniń bılik quzyretin qasaqana paıdalanyp, TVEA kompanııasymen tıimsiz kelisim ornatyp, memleket jáne qoǵam múddesine 111 mln 252 myń 797 AQSh dollary somasynda shyǵyn keltirgen.

Osylaısha, 2010 jyldyń aqpan aıynda QR Damý, ınvestıtsııalar jáne ınnovatsııalar boıynsha ortalyq agenttigi kommýnıkatsııalar qyzmetiniń bastyǵy S.Isakovtyń qatysýymen onda Bishkek qalasynyń JES-yn Dúnıejúzilik banktiń quny 150 mln AQSh dollaryn jáne «TVEA» kompanııasynyń quny 200 mln AQSh dollaryn usynǵan qalpyna keltirý (jańǵyrtý) nusqalary qarastyrylǵan. Keńes qorytyndylary boıynsha, «TVEA» kompanııasynyń usynysyn onyń baǵasy joǵary, tehnıkalyq jáne tehnologııalyq kemshilikteri bolǵandyqtan, Qyrǵyzstan múddesine sáıkes kelmeıtini týraly sheshim qabyldanǵan.

Alaıda, 2013 jyly QR prezıdenti apparatynyń syrtqy saıasat bóliminiń meńgerýshisi qyzmetin atqarǵan S.Isakov QR prezıdenti apparat jetekshisiniiń orynbasary járejesinde jobanyń iske asyrylýyn jeke baqylaýyna alyp, paıda kórý úshin TVEA kompanııasyna quny 386 mln AQSh dollaryn quraıtyn jobanyń bas merdigeri bolý quqyǵyn berdi.

Bul rette ol atalǵan kompanııanyń osyndaı jobalardy iske asyrý úshin tıisti tájirıbesi men biliktiligi joq ekenin, al tehnıkalyq-ekonomıkalyq negizdeme jáne jobalyq-smetalyq qujattamanyń jasalmaǵanyn nazarǵa almaǵan.

Qazirgi kezde aıyptalýshylar men olardyń qorǵaýshylaryn is materıaldarymen tanystyrý júrip jatyr, ol aıaqtalǵan soń is QR Bas prokýratýrasyna jiberiledi.

Foto: argument.kg