Qyrǵyzstannyń eks-premeri Igor Chýdınov esh jaqqa ketpeý týraly qolhatpen bosatyldy
ASTANA. Tamyzdyń 13-i. QazAqparat - Qyrǵyzstannyń eks-premeri Igor Chýdınov eshqaıda ketpeý týraly qolhatpen bosatyldy. Ol úı qamaǵynda bolady, dep habarlaıdy «Azattyq» radıosy.
Sybaılas jemqorlyqqa bardy jáne qyzmet jaǵdaıyn asyra paıdalandy dep aıyp taǵylyp otyrǵan Chýdınov quqyq qorǵaý organdaryna óz erkimen berilgen bolatyn.
Igor Chýdınov prezıdenttik taǵynan taıdyrylǵan Qurmanbek Bakıevtiń tusynda 2007-2009 jyldary úkimet basshysy bolǵan , al premerlikten ketkennen keıin Qyrǵyzstannyń Damý qoryn basqarǵan.
