Qyrǵyzstannyń eki azamaty esirtkimen ustaldy - QR UQK
ASTANA. 1 aqpan. QazAqparat /Janna Qorqytova/ - Qyrǵyzstannyń eki azamaty esirtkimen ustaldy,
dep habarlaıdy QR UQK baspasóz qyzmeti.
«Keshe «Merki temirjol» shekaralyq baqylaý bóliminiń shekarashylary «Bishkek-Máskeý» poıyzy vagondarynyń birinde jalpy salmaǵy bir jarym keliden asatyn gashısh esirtki zaty salynǵan qaltany tapty. Osy faktige qatysty Qyrǵyz respýblıkasynyń eki azamaty quryqtaldy», - delingen aqparatta.
Odan ári tergeý sharalaryn júrgizý úshin olar Lýgovoe stansysynyń JІІB qyzmetkerlerine tabys etildi, dep habarlaıdy komıtettiń baspasóz qyzmeti.
