Qyrǵyzstannyń densaýlyq saqtaý mınıstrligi: Naýqastardyń ólimi qazaqstandyq dárilerdiń saldarynan emes
BІShKEK. QazAqparat - Qyrǵyzstan densaýlyq saqtaý mınıstrliginiń saraptamalyq klınıkalyq komıssııasy klınkalyq saraptamaǵa qatysqan eki naýqastyń kóz jumýy qazaqstandyq FS-1 dárilik zattary saldarynan emes ekendigin rastady, dep habarlaıdy «QazAqparat» HAA-nyń Bishkektegi tilshisi vedomstvonyń baspasóz qyzmetine silteme jasap.
«TR-029 naýqasynyń ólimi menıngoentsefalıttiń asqynýyna baılanysty týberkýlezdiń dertiniń órshýi jáne jalpylanýy, sondaı-aq týberkýlezge qarsy dárilerdi ózdiginen qoldanbaýy saldarynan oryn aldy.
TR-237 naýqasynyń kóz jumýy týberkýlezge qarsy dárilerdi qabyldaýyn ózdiginen toqtatyp, tynys alý jáne júrek aqaýy dertiniń órshýine baılanysty týberkýlezdiń asqynýy saldarynan bolǵan. Klınıkalyq zertteý hattamasyna oraı, eki naýqas ta dáriler qabyldap otyrǵan», - delingen saraptama komıssııasynyń qorytyndysynda.
Ulttyq ftızatrııa ortalyǵynda aıtylǵandaı, ǵylymı zertteý jumysy Qyrǵyzstan Respýblıkasynyń zańnamalary, klınıkalyq zertteý salasyndaǵy halyqaralyq talaptar men usynystarǵa, olardy ótkizýge arnalǵan ruqsatnamalyq qujattarǵa saı, sonymen qatar UFO men Qazaqstannyń «Ulttyq juqpaly aýrýlarǵa qarsy dáriler ortalyǵy» AQ arasynda 2013 jyly 24 qazanda jasalǵan kelisimshart negizinde ótkizildi.
Buryn Qyrǵyzstan Respýblıkasynyń prokýratýrasy FS-1 dárisin qoldanǵan eki adamnyń ólimine baılanysty UFO men Dári-dármekpen qamtamasyz etý departamentindegi jaýapty tulǵalarǵa qatysty qylmystyq is qozǵaǵan edi. Іs boıynsha tergeý jumysy jalǵasýda.
