Qyrǵyzstannyń burynǵy vıtse-premerine qarsy qylmystyq is qozǵaldy
ASTANA. QazAqparat - Qyrǵyzstannyń burynǵy vıtse-premer-mınıstri Taıyrbek Sarpashevqa jáne Qyrǵyzstan úkimeti janyndaǵy Memlekettik tirkeý qyzmetiniń ózge de laýazymdy tulǵalaryna qatysty qylmystyq is qozǵaldy, dep habarlaıdy KABAR Qyrǵyzstan Bas prokýratýrasynyń baspasóz qyzmetine silteme jasap.
Qyrǵyzstan Bas prokýratýrasynyń málimdeýinshe, 2017 jyldyń 30 naýryzynda Qyrǵyzstannyń burynǵy vıtse-premer-mınıstri Taıyrbek Sarpashevqa jáne Qyrǵyzstan úkimeti janyndaǵy Memlekettik tirkeý qyzmetiniń ózge de laýazymdy tulǵalaryna qatysty QR QK304-bap, 4-bóliginde kórsetilgen qylmys belgileri boıynsha (Bılikti asyra paıdalaný) qylmystyq is qozǵaldy.
Qyrǵyzstan azamattaryna óndiristik jaramsyzdyǵy bar, aýystyrylýy tıis blankiler taratylǵan. «Týý týraly kýálik» blankiniń mıkromátininde «Neke qııý týraly kýálik» dep jazylǵan.
Joǵaryda atalǵan týý týraly kýálikter GRS organdaryna berilgen soń, azamattardan 11 myńnan astam shaǵym kelip túsken. Olar blankilerdegi óndiristik jaramsyzdyqtyń ózge memleketterge barǵanda anyqtalǵanyn jáne sonyń kesirinen el aýmaǵyna kirýge ruqsat berilmeı, qaıtadan Qyrǵyzstanǵa deportatsııalanyp, qosymsha shyǵynǵa ushyraǵandaryn jetkizgen.
Osylaısha, 40 myńǵa jýyq jańa týǵan sábıler men ata-analarynyń jáne memleket pen qoǵamnyń zańmen qorǵalatyn quqyqtary buzyldy.
Atalǵan qylmystyq isti tergeý Qyrǵyzstan MUQK tergeý basqarmasyna tapsyryldy.
