Qyrǵyzstannyń burynǵy prezıdenti Bákıevtiń inisi ómir boıyna bas bostandyǵynan aıyryldy
ASTANA. 27 qarasha. QazAqparat - Qyrǵyzstanda sot eldiń burynǵy prezıdentiniń inisi Janybek Bákıevke qatysty syrttaı ony ómir boıy bas bostandyǵynan aıyrý týraly sheshim shyǵardy.
Ol 2010 jyly tamyzda oppozıtsııa jaqtastaryn taratýda 100-ge jýyq adamnyń ólimine, tonaýǵa qatysy bar, qarýlanǵan toptardy uıymdastyrdy dep aıyptalyp otyr. Bul týraly Qyrǵyzstannyń Bas prokýratýrasynyń ókili habarlady.
Qyrǵyzstannyń burynǵy prezıdenti Qurmanbek Bákıev bılikke «báısheshek» revolıýtsııasynan keıin kelip, 2010 jyly ornynan alyndy. Oǵan da úkimetke qarsy kóterilisterge qatysqandardyń ólimine qatysy bar degen aıyp taǵylyp otyr. Aǵaıyndy Bákıevter Mınskide jasyrynyp júr. Belorýssııa bıligi olardy Qyrǵyzstanǵa berýden bas tartty, dep habarlady «Novostı».
