Qyrǵyzstannyń burynǵy premer-mınıstriniń uly 12 jylǵa sottaldy
ASTANA. QazAqparat - Pervomaıskıı aýdandyq soty Altynbek Muralıevti (burynǵy premer-mınıstr Amangeldi Muralıevtiń uly) memlekettik opasyzdyq - baby boıynsha 12 jylǵa bas bostandyǵynan aıyrý úkimin shyǵardy.
Bul týraly sársenbide Joǵarǵy sottyń baspasóz qyzmetine silteme jasaǵan KırTAG habarlady.
«Bishkektiń Pervomaıskıı aýdandyq soty 2016 jylǵy 17 mamyrda Muralıev Altynbek Amangeldiulyna qatysty úkim shyǵardy. Ol Qyrǵyz Respýblıkasy QK 292-babynda kózdelgen qylmys jasaǵany úshin sottaldy. Múlki tárkilene otyryp, qatań rejimdegi túzeý mekemesinde jazasyn óteýmen 12 jylǵa bas bostandyǵynan aıyrý úkimi shyǵaryldy», dep habarlady Joǵarǵy sotta.
Eske sala ketsek, Altynbek Muralıev 2017 jyly qarashada qyrǵyz-qazaq shekarasy arqyly elden qashyp ketýge árekettengen kezde ustaldy. Ol qyzmettik qupııany quraıtyn málimetterdi sheteldik uıymdarǵa berý maqsatynda áreket etkeni úshin tutqyndalǵan.
A. Muralıev Qyrǵyzstannyń burynǵy premer-mınıstri Amangeldi Muralıevtiń uly
