Qyrǵyzstannyń burynǵy premer-mınıstri qamaýǵa alyndy
BІShKEK. QazAqparat - Bishkek qalasynyń Birinshi maı aýdandyq soty Qyrǵyz Respýblıkasynyń burynǵy premer-mınıstri Sapar Isakovqa bultartpaý sharasyn ózgertti. Ol tergeý amaldary aıaqtalǵanǵa deıin Qyrǵyzstan Respýblıkasy Ulttyq qaýipsizdik komıtetiniń tergeý ızolıatorynda otyratyn bolady. Bul týraly «Kabar» agenttigi habarlaıdy.
Eske salaıyq, Bishkek qalasyndaǵy Jylý elektr ortalyǵyn jańǵyrtý kezindegi jemqorlyq faktisi boıynsha tergelip jatqan qylmystyq iske qatysty 2018 jyldyń 29 mamyry kúni Sapar Isakovqa Qyrǵyz Respýblıkasy QK 303-babynyń 1-bóligi boıynsha aıyp taǵylyp, oǵan eshqaıda ketpeý týraly qolhat túrindegi bultartpaý sharasy belgilendi.
