Qyrǵyzstannyń birinshi vıtse-premer-mınıstri Ó.Babanov Halyqaralyq valıýta qory mıssııasymen kezdesti
BІShKEK. 2 aqpan. QazAqparat /Arnur Rahymbekov/ - Bishkekte Qyrǵyzstan Respýblıkasynyń birinshi vıtse-premer-mınıstri Ómirbek Babanov Nadıma Ilahı basqarǵan Halyqaralyq valıýta qory mıssııasymen kezdesý ótkizdi.
Kezdesý barysynda ózekti ekonomıkalyq máseleler men olardy sheshý joldary, sonymen qatar Qyrǵyzstanǵa Halyqaralyq valıýta qory tarapynan kómek kórsetý máseleleri talqylandy. Ómirbek Babanovtyń atap ótkenindeı, qazirgi tańda Qyrǵzystan úkimeti eldegi saıası jáne makroekonomıkalyq turaqtylyqty qamtamasyz etýge, kelisilgen aqshalaı-bıýdjettik jáne bıýdjettik-salyqtyq saıasatty júrgizýge, ınvestıtsııalyq jaǵdaıdy jaqsartý men jeke ınvestıtsııalardyń ósýin yntylandyrýǵa baǵyttalǵan sharalardy qolǵa alyp jatyr. Ol sondaı-aq yntymaqtastyqtyń joǵarǵy deńgeıine qanaǵattanatynyn jetkizip, Halyqaralyq valıýta qoryna Qyrǵyzstanǵa der kezinde kómek bergeni úshin alǵysyn bildirdi.
Sonymen qatar kezdesýde ulttyq bank, Qyrǵyzstannyń ekonomıkalyq retteý jáne qarjy mınıstrlikteri ókilderimen ınflıatsııamen kúresýge baǵyttalǵan keshendi máseleler talqyǵa tústi.
