Qyrǵyzstannyń Bas prokýratýrasy Bakıevtiń jemtiktesteri ákelgen zardaptyń kólemin 44 mln. dollarǵa baǵalap otyr
ASTANA. Sáýirdiń 28-i. QazAqparat - Qyrǵyzstannyń Bas prokýratýrasy Bakıev otbasy jemtiktesteriniń ekonomıkalyq qylmystyq isteriniń zardabyn 2 mıllıard somǵa (44 mıllıonnan astam dollarǵa) baǵalap otyr, dep habarlaıdy QazAqparat «RIA Novostı» agenttigine silteme jasaı otyryp.
Qyrǵyzstanda sáýirdiń 6-synda bastalǵan buqaralyq tolqýy erteńinde barlyq eldi qamtyp úlgergen. Oppozıtsııa jaqtaýshylary men quqyq qorǵaýshylar arasyndaǵy qaqtyǵystan 80-ge jýyq adam qurban bolyp, júzdegen adam jaralandy. Qurmanbek Bakıev elden ketip qaldy, al oppozıtsııa ýaqytsha úkimet qurdy.
«Bákıevtiń otbasynyń jemtiktesteriniń qatysýymen oryn alǵan ekonomıkalyq qylmystardyń zalaly 2 mıllıardqa jýyq somdy quraıdy», delingen Bas prokýratýranyń habarlamasynda.
Agenttiktiń habarlaýynsha, Qyrǵyzstannyń eks-prezıdenti Bakıevke qatysty jemqorlyq, aqshany jylystyrý, sondaı-aq memleket múligin zańsyz jekeshelendirý men reıderlik basyp alý faktileri boıynsha barlyǵy 23 qylmystyq is qozǵalǵan.
Tergeý barysynda, Qyrǵyzstannyń bas prokýratýrasynyń málimetteri boıynsha, MGN GROUP-tyń dırektory Evgenıı Gýrevıchtiń orynbasary bolyp qyzmet istegen, zańsyz jolmen túsken aqsha qarajatyn jylystatqany úshin syrttaı kúdiktelip otyrǵan Ulybrıtanııanyń azamaty Výgar Halılov tutqyndalǵan.
«Qyrǵyzgaz» AAQ bas dırektory Salamat Aıtıkeevke óz qyzmet babyn teris paıdalanyp, Qyrǵyzstannyń eks-prezıdenti Qurmanbek Bakıevtiń uly basqaratyn fırmalarǵa gazdy tómen baǵamen satýy nátıjesinde memleketke 731 mıllıon som (16 mıllıon dollardan astam) zarpap ákelgendigi úshin aıyp taǵylyp otyr.
Tergeý barysynda adam óltirý jáne qyzmet babyn asyra paıdalanǵan degen kúdikpen qylmystyq jaýapkershilikke 9 adam tartylǵan.
