Qyrǵyzstannyń az qamtylǵan árbir otbasy elý keliden un alady
BІShKEK. 9 naýryz. QazAqparat /Arnur Rahymbekov/ - Qyrǵyzstannyń az qamtylǵan árbir otbasy elý keliden un alady. Bul týraly jergilikti «5 arna» telekompanııasyna bergen suhbatynda Qyrǵyzstannyń Premer-Mınıstri Almazbek Atambaev habarlady.
Kórshi respýblıkanyń Úkimet basshysy habarlaǵandaı, bul azyq-túlik baǵasynyń ósýi jaǵdaıynda halyqtyń az qamtylǵan bóligine qoldaý kórsetýge baǵyttalǵan sharalardyń bastapqysy. Bul maqsatta rezervtegi qordan 10 myń tonna astyq alynyp, ol halyqtyń az qamtylǵan bóligine taratylý úshin unǵa aınaldyryldy.
«Ár az qamtylǵan otbasy qaıtarymsyz negizde 50 keli un alady. Un taratý jumystary bastalyp ta ketti jáne ol Qyrǵyzstannyń barlyq aımaqtaryn qamtıdy», - dep habarlady A.Atambaev.
