Qyrǵyzstannyń arnaıy qyzmeti Bishkek pen Oshtaǵy lańkestiktiń aldyn aldy
BІShKEK. QazAqparat - Qyrǵyzstannyń MUQK Bishkek pen Osh qalasynda lańkestik aktilerdiń daıyndalyp jatqanyn anyqtaǵanyn habarlady. Qaskúnemdik áreketti Osh oblysynyń alty týmasy júzege asyrýdy josparlaǵan.
Qazirgi ýaqytta olardyń bári ustalyp, Osh qalasyndaǵy tergeý oqshaýlaǵyshyna qamaldy. Lańkestikke barmaqshy bolǵandardyń eń úlkeniniń jasy 33-te, eń kishisiniń jasy 21-de. Bul toptaǵylardyń keıbireýleri Sırııadaǵy lańkestik uıymdardyń lagerlerinde bolyp, qaqtyǵystarǵa qatysqan. Endi bireýleri qylmys áleminiń ókilderi eken.
Bul top Bishkek pen Oshta lańkestik áreketti júzege asyrýdy, sondaı-aq aýqatty azamattarǵa qatysty qaraqshylyq shabýyldar jasaýdy josparlaǵan. Olardyń avtokólikterin tintý barysynda qoldan jasalǵan sholaq myltyq, qaıta jasalǵan gaz tapanshasy, oq-dáriler men betperdeler tabylǵan.
Qyrǵyzstannyń arnaıy qyzmeti oqıǵa boıynsha qylmystyq is qozǵap, qajetti shuǵyl tergeý sharalaryn júrgizýde.
