Qyrǵyzstannyń №27 kolonııasynda jazasyn óteýshiler ashtyq jarııalady
ASTANA. QazAqparat - Qyrǵyzstanda №27 kolonııada jazasyn óteýshiler ashtyq jarııalady. Bul týraly KırTAG jumada memlekettik jazalardy oryndaý qyzmetiniń (MJOQ) baspasóz qyzmetinde habarlady.
«Ótken jyly jazda shyqqan jańa zańǵa sáıkes ekstremıstik jáne lańkestik qylmys jasaǵany úshin sottalǵandardy basqa sanattaǵy jazasyn óteýshilerden bólek ustaýdy talap etedi. Jazasyn óteýshiler osy normaǵa narazylyq retinde ashtyq jarııalady», - dep habarlady vedomstvoda.
MJOQ-ta 20-ǵa jýyq adam ózderiniń bul zańdy qabyldaǵanǵa deıin sottalǵanyn, sol sebepti shartty-merziminen buryn bosatýdy talap etýde.
«№27, №47 jáne №16 kolonııalarda jańa zańnyń qabyldanýyna baılanysty ekstremızm men terrorızm áreketteri boıynsha aıyptalǵan sottalýshylardy kamerada eki-úsh kún basqa jazasyn óteýshilerden bólek ustaıdy. Qazir №3 kolonııada osyndaı kameralardy daıyndaý jumystary júrip jatyr», - dep atap ótti MJOQ-ta.
