Qyrǵyzstannan shekara arqyly 10 jylqyny aıdap ótpek bolǵandardyń joly kesildi

ASTANA. QazAqparat - Taraz shekara otrıadynyń «Granıtogorsk» ýaqytsha beketiniń shekarashylary belgisiz adamdardyń Qyrǵyz Respýblıkasynan bizdiń elimizge qaraı 10 jylqyny ótkizbek bolǵan áreketteriniń jolyn kesti, dep habarlaıdy QR UQK shekara qyzmetiniń baspasóz qyzmetinen.

Memlekettik shekaranyń júrip-turý qıyn aýdanynda - taýly jerde júrip shekarashylardy baıqap qalǵan belgisiz adamdar Qyrǵyzstan aýmaǵyna qaraı qashyp boı tasalady. Jylqylar ýaqytsha bekettiń aýmaǵynda tur. Atalǵan derek boıynsha tıisti is-sharalar atqarylýda.