Qyrǵyzstannan QR Prezıdenti saılaýyn 31 baıqaýshy baqylaıdy
ASTANA. QazAqparat - Qyrǵyzstannan QR Prezıdenti saılaýyn 31 baıqaýshy baqylaıdy. Bul týraly búgin QR OSK-de ótken brıfıngte Qyrǵyzstan Respýblıkasy Ortalyq saılaý komıssııasynyń tóraǵasy Tuıǵynally Ábdiraıymov aıtty.
«Astanadaǵy saılaýdy baıqaý úshin Qyrǵyz Respýblıkasynan 6 adam keldi. Buǵan qosa, biz Shymkentke - 5, Tarazǵa - 16, Taldyqorǵanǵa 4 baıqaýshymyzdy jiberdik. ıAǵnı, bizdiń baıqaýshylar Qazaqstan Respýblıkasynyń ońtústik qalalaryndaǵy saılaý barysyn qadaǵalaıtyn bolady», - dedi T.Ábdiraıymov.
Sonymen qatar Qyrǵyzstan OSK tóraǵasy Qazaqstanda saılaýdy uıymdastyrý jumystary joǵary deńgeıde ótkizilgenin basa aıtty.
«Tańerteńnen beri Astana qalasyndaǵy birqatar saılaý ýchaskelerinde boldyq. Daıyndyq jaqsy, úı-jaılar talapqa saı», - dedi ol.
