Qyrǵyzstannan əkelingen sapasyz zergerlik buıymdar saýdasynyń joly kesildi
ASTANA. QazAqparat - Shymkent qalasynda ekonomıkalyq tergeý qyzmeti Qyrǵyzstannan ákelingen sapasyz zergerlik buıymdar saýdasynyń joly kesti. Bul týraly QazAqparat QR IDM Tehnıkalyq retteý jáne metrologııa komıtetiniń baspasóz qyzmetine silteme jasap habarlaıdy.
«QR IDM Tehnıkalyq retteý jáne metrologııa komıtetiniń OQO boıynsha departamentiniń ekonomıkalyq tergeý qyzmetiniń materıaly boıynsha 2017 jyldyń 8 qarashasynda Shymkent qalasynda tekserilmegen jáne tańbalanbaǵan zergerlik buıymdardy ótkizbek bolǵan qyrǵyz satýshylaryna qatysty ákimshilik is qozǵaldy. Tergeý qorytyndysyna sáıkes, olarǵa 500 myń teńgeden asa somadaǵy aıyppul salyndy», - delingen vedomstvonyń habarlamasynda.
Baspasóz qyzmetiniń habarlaýynsha, 2016 jyldyń aqpan aıynan bastap Qazaqstanda «Baǵaly metalldar men baǵaly tastar» týraly zań kúshine engen. Sodan beri Komıtet turaqty túrde respýblıkanyń barlyq kásipkerlerine zergerlik buıymdar týraly zań boıynsha, ony buzý jaǵdaıynda qandaı jaza qoldanylatynyna baılanysty túsindirý jumystaryn júrgizip keledi. Naqtyraq aıtqanda, Qazaqstan aýmaǵynda saraptamalyq qorytyndysy, qazaqstandyq tańbasy men memlekettik baqylaýdan ótkeni týraly baqylaý qujaty joq zergerlik buıymdardy ótkizýge tyıym salynǵan.
