Qyrǵyzstannan qashqan jaraly jáne aýrý bosqyndardyń sany 735 adamdy qurady - Ózbekstannyń Densaýlyq saqtaý mınıstrligi
NDІJAN. Maýsymnyń 15-i. QazAqparat /Qurmat Samarhan/ - Ózbekstannyń Ándijan oblysynyń medıtsınalyq mekemelerine kelip túsken Qyrǵyzstannan qashqan jaraly jáne aýrý bosqyndardyń sany 735 adamdy qurady.
Bul týraly dúısenbi, maýsymnyń 14-i kúni ÓR Densaýlyq saqtaý mınıstri Adham Ikramov málim etti.
Densaýlyq saqtaý mınıstrligi basshysynyń aıtýynsha, 134-ten astam adam oqtan jaralanǵan, 80-nen joǵary adam basqa zattardan jaralanǵan. Qyrǵyzstannyń Osh oblysyndaǵy aýrýhanadan qyrǵyzstandyq etnıkalyq ózbekter - onkologııalyq statsıonarda, týberkýlezge qarsy jáne oblystyq aýrýhanalarda jatqan barlyq naýqastar qutqarylǵan.
«Ándijan oblysy Ior-Kıshlok aýylyna jaqyn jerde uıymdastyrylǵan ótkizý beketi somatıkalyq aýrýǵa shaldyqqandardy, múgedekterdi qabyldap, olarǵa medıtsınalyq járdem kórsetti. Olar bizdiń birqatar aýdandyq aýrýhanalarymyzǵa jetkizildi, al arnaıy kómekke zárý aýrýlar jedel járdem ortalyqtaryna aparyldy», - dep túsindirdi A. Ikramov.
ÓR Densaýlyq saqtaý mınıstrliginiń basshysy atap ótkendeı, «medıtsınalyq kerek-jaraqtar jetkilikti, onyń barlyǵymen Ózbekstan Úkimeti qamtamasyz etip otyr. Qazirgi ýaqytta eki táýlik ishinde biz kórsetken medıtsınalyq járdem 2-3 aı kezeńinde jumys ishinde kórsetiletin medıtsınalyq dárilerge, shyǵyn materıaldaryna teń».
Sonymen qatar, perzethanalarda aıaǵy aýyr 77 bosqyn áıel jatyr, olardyń jeteýi balaly bolyp úlgergen.
