Qyrǵyzstannan elge 20 myń qorap temekini zańsyz kirgizbek bolǵandar ustaldy

ASTANA. QazAqparat - Qyrǵyzstannan elge 20 myń qorap temekini zańsyz kirgizbek bolǵandar ustaldy, dep habarlaıdy QR UQK baspasóz qyzmeti.

2023 jylǵy 14 sáýirde shekarashylar Jambyl oblysynyń «Sypataı batyr» ótkizý pýnktinde Qyrǵyzstan Respýblıkasynan Qazaqstan Respýblıkasyna 20 160 qorap túrli markadaǵy temeki ónimderiniń iri partııasyn zańsyz alyp ótýdiń jolyn kesti. Aldyn ala esep boıynsha taýar kuny shamamen 5 400 000 teńgeni kuraıdy.
Anyqtalǵan júk protsessýaldyq sheshim kabyldaý úshin Merki aýdanynyń Memlekettik kirister basqarmasyna tapsyryldy.
Sonymen katar, 2023 jylǵy sáýir aıynyń 14-i men 17-si kúnderi Shekara qyzmeti Jambyl oblysynyń «Aqsý» jáne «Keńes» shekara bólimsheleriniń ýchaskelerinde Memlekettik shekarany buzǵan Qyrǵyzstannyń 3 azamaty ustaldy.
Ustalǵandarǵa katysty tekserý is-sharalary júrgizilýde.